No número 16 da candidatura do BNG figura unha das persoas que mellor coñece o noso litoral. Non hai recuncho da zona de Baldaio que se lle resista a Ángel De la Fuente Subiela, o noso Gelucho.

Aínda que pasou moitos anos na emigración, nunca perdeu a vinculación coa súa terra nin o interese por mellorar a calidade de vida dos seus veciños e veciñas, e nesas anda dende que retornou. Gelucho, que agora é pensionista, é unha desas persoas ás que sempre se pode acudir e que sempre está disposta a botar unha man e a buscar a mellor solución aos problemas, e unha das persoas que forman parte do mellor equipo para gobernar o noso concello.