A Caravana da Mocidade de Galiza Nova chegará este sábado 10 de setembro a Carballo para presentar as principais propostas do BNG para evitar que Galiza siga perdendo xente moza que non pode traballar no seu país.
No BNG apostamos por duplicar o investimento en I+D+i e por incorporar ao sistema galego de I+D+i á xente nova. Por iso incluímos no noso programa o Plan Retorna, para favorecer a volta a Galiza da xente nova con talento e tamén da que emigrou por razóns económicas. Un sistema de microcréditos para financiar proxectos de emprego xuvenil, o impulso ao emprendemento mediante empresas de economía social, a mellora das condicións laborais e salariais e un plan de emprego xuvenil son outras das propostas coas que nos presentamos ás eleccións do 25 de setembro.
Se estades interesad@s en coñecelas máis polo miúdo non deixedes de acudir este sábado pola tarde á Caravana da Mocidade de Galiza Nova, que estará á vosa disposición na rúa Coruña de Carballo.
